बिशप तिखोन¹ स्वयं यस्तै हत्या प्रयासको निशाना बनेका थिए। यसबाट पनि  यो स्पष्ट हुन्छ कि  यो घटना केवल युक्रेनीहरूसम्म मात्र सीमित छैन। उनीहरू त विश्वव्यापी आतङ्क प्रणालीको एउटा सानो अङ्ग मात्र हुन्। यस सञ्जालका निशानामा चार्ली किर्क र डोनाल्ड ट्रम्प, बिशप तिखोन र दारिया दुगीना (रूसी परम्परावादी युवाको प्रेरणास्रोत), भ्लाडलेन तातार्स्की²  र झाखार प्रिलेपिन³  पर्दछन्। यिनिहरुको संरचनाको निसानामा, परम्परा, देशभक्ति, परिवार र सबैभन्दा माथि परमेश्वर ख्रीष्टको पक्षमा अग्रपंक्तिमा उभिनेहरूलाई लक्षित गरेर हत्या गरिन्छ।

पश्चिमी आधुनिकतामा भगवान् अस्तित्वमा छैनन्। धर्म केवल कल्पना, मिथक वा जनताको लागि अफिम मात्र हो भन्ने दृष्टिकोणबाट सुरु भयो। स्वाभाविक रूपमा, सैतान पनि अस्तित्वहीन घोषित गरियो। यसरी कैयौँ शताब्दी बित्यो।

तर पछि प्रष्ट भयो—सैतान वास्तवमै अस्तित्वमा छ। उसका अनुयायीहरू (रूसमा प्रतिबन्धित तर पश्चिममा फस्टाइरहेका) समेत छन्। विशाल सञ्जाल र राजनीतिक व्यवस्था पनि छन्। देख्दा देख्दै सैतानहरुकै एक सम्पूर्ण सभ्यता रहेछ। र यसले हाम्रै उत्कृष्ट र राम्रा मानिसहरूलाई आक्रमण गरिरहेको छ। उग्र युक्रेनको माध्यम मार्फत मात्र होइन, अरु विकृत माध्यमहरू, ट्रान्सजेन्डरहरू, आप्रवासीहरू, फर्रीहरू, ‘डीप स्टेट’ का एजेन्टहरू, म्यारिनहरू, लागुऔषध कारोबारीहरू र दुर्ब्यसनीहरु, पत्रकारहरू, उदारवादी प्राध्यापकहरू, अधिकारीहरू र असीमित सङ्ख्याका गैरसरकारी संस्थाहरूमा संगठित लाखौँ ब्लगर र सीमान्त समूहहरूको हातमार्फत पनि आक्रमण गरिरहेको छ। जे भए पनि, सारमा सैतानले ख्रीष्ट र उहाँप्रति निष्ठावान् रहनेहरू विरुद्ध युद्ध छेडेको छ।

तर यदि सैतान वास्तवमै अस्तित्वमा छ र उसले ख्रीष्टसँग युद्ध गर्छ भने, त्यसको अर्थ सैतानले जसको विरुद्ध युद्ध गर्छ, उनि पनि अवश्य अस्थित्वमा छन् ।

यो अत्यन्तै शुभ र धन्य समाचार हो। यसको अर्थ यो हुन्छ कि यस युद्धमा हुने बलिदान व्यर्थ हुने छैन। यदि परमेश्वरका शत्रुहरूले हामीविरुद्ध लड्छन् भने, हामी परमेश्वरकै पक्षमा छौं। र उहाँ हुनुहुन्छ। त्यसभन्दा पनि गहिरो सत्य के हो भने, उहाँ सधैं यहाँ हुनुहुन्थ्यो। जब हामीले उहाँलाई अस्वीकार गर्यौं, जसले बाटो छोडेका थियौ, उहाँ आफ्ना अविश्वासी सन्तानहरूका लागि दुःखी हुनुहुन्थ्यो। तर जब ती सन्तानहरू पुनः मन्दिर र कलीसियामा फर्किए, उहाँ अत्यन्तै आनन्दित हुनुभयो।

त्यसैले, परमेश्वर हामीसँग हुनुहुन्छ; उहाँ सधैं हुनुहुन्थ्यो र सधैं रहिरहनुहुनेछ।

हिजो एरिजोनामा, चार्ली किर्ककी विधवा पत्नी एरिका किर्कले, सयौँ हजारौँ अमेरिकी देशभक्तहरूको अगाडि भन्न सकिन, जहाँ ती युवा पुरुषको हत्यारा विरुद्ध क्रोधमा गर्जिरहेका थिए। त्यहा उन्ले भनिन् “म उसलाई क्षमा गर्दछु।”

उनले पीडा र प्रतिशोधको भावनालाई माथि उठाएर ख्रीष्टीय आचरणमा आचरण गर्न सकिन। उनि ख्रीष्टीय हुन, देशभक्त हुन, र उनि एक सुदृढ परम्परावादी हुन्। यसले उदारवादी ब्लगर र पत्रकारहरूको दुष्टता, विषाक्तता र परपीडामा आनन्द लिने प्रवृत्तिसँग ठूूलो विरोधाभास प्रस्तुत गर्दछ, जसले चार्ली किर्कको हत्या भएको खबरमा उत्सव मनाए र अन्य परम्परावादी तथा देशभक्तहरू (ट्रम्प, मस्क, किर्क परिवार, एरिका, साना बालबालिका) लाई मार्नुपर्छ, मार्नुपर्छ, र फेरि मार्नुपर्छ भनेर खुलेआम अनलाइन र अमेरिकी टेलिभिजन च्यानलहरूमा माग गरे।

यस निर्लज्ज शैतानी उल्लासबीच, चार्ली किर्ककी विधवाको तीक्ष्ण शब्द गुन्जिए: “म उसलाई क्षमा गर्दछु।”

"हामीलाई हाम्रो ऋण क्षमा गर, जसरी हामीले आफ्ना ऋणीलाई क्षमा गरेका छौँ।”

यो प्रार्थनाको मूल वा सार तत्व यो हो; स्वयं ख्रीष्टको वचन। दैनिक जीवनमा यी शब्दहरू उच्चारण गर्नु एउटा पक्ष हो, तर यस्ता परिस्थितिमा तिनीहरू अभिव्यक्त गर्नु पूर्णतः अर्को पक्ष हो।

1.अनुवादकको टिप्पणी (TN): बिशप तिखोन रूसी आर्थोडक्स उच्च श्रेणीका धर्मगुरु, लेखक र सार्वजनिक बौद्धिक व्यक्तित्व हुन्, उनलाई प्रायः भ्लादिमिर पुटिनका आध्यात्मिक सल्लाहकारका रूपमा वर्णन गर्ने गरिन्छ।
2.  भ्लाडलेन तातार्स्की एक रूसी सैनिक ब्लगर तथा युद्ध संवाददाता थिए, जसले युक्रेनमा भइरहेको द्वन्द्वबारे अत्यन्तै रूसीपक्षमा दृष्टिकोण प्रस्तुत गर्थे। सन् २०२३ मा सेंट पिटर्सबर्गमा भएको बम विस्फोटमा उनको हत्या भयो।
3. जाखार प्रिलेपिन एक प्रसिद्ध रूसी उपन्यासकार, राजनीतिक कार्यकर्ता तथा पूर्व सैनिक हुन्, जसलाई गहिरो देशभक्तिपूर्ण विचारकका रुपमा चिनिन्छ। उनी सन् २०२३ मा भएको हत्या प्रयासबाट बच्न सफल भए।

अनुवाद: मोहनप्रसाद ज्ञवाली