क्राइष्ट द सवियर मन्दिरमा सम्पन्न भएको आठौं जार्ग्राड महाधिवेशन अत्यन्तै असाधारण थियो।

स्पष्ट छ कि हामी यस्तो समाजमा बाँचिरहेका छौं जहाँ विचारधारा परिवर्तन हुँदैछ - उदारवादबाट रुसीतर्फ। यो प्रक्रिया रोकिने होइन। यो सत्ताको कुनै संकुचित निर्णय होइन। यो समयको तर्क हो। इतिहासद्वारा निर्धारित एक अंतिम चेतावनी हो।

विशेष शैन्य अभियानले रुसको वैचारिक परिदृश्यलाई एकाएक परिवर्तन गर्‍यो। तटस्थ प्राविधिकहरूको युग समाप्त भएको छ। विचारधारात्मक राष्ट्रभक्तहरूको युग सुरु भएको छ।

अब नयाँ प्रकारका कर्मचारीहरू - गभर्नर, मन्त्री, र प्रमुखहरू देखा परिरहेका छन्। राज्यका सबै मानिसहरूले अब निरन्तर रूपमा मृत्यु, पीडा, त्रासका बीच जनताहरु आत्मासँग सिधा सम्पर्क गरिरहेका छन्। उनीहरू केवल निर्देशनमा सिमित हुन सक्दैनन्। औपचारिक मागहरूको पालना गरेर यस पृष्ठभूमिमा चुपचाप भ्रष्टाचार गर्न सक्दैनन्। उनीहरू इतिहासमा संलग्न छन्। अथवा इतिहासले निर्णय लिने इच्छाशक्ति र हृदयको संकल्प माग गर्दछ। त्यसैले सत्तामा रहेका व्यक्तिहरूले चुनाव गर्नुपर्नेछ: उनीहरु या त जनताको साथमा हुन्छ या त सत्ताको साथमा। उनीहरू युद्धको पक्षमा छन् र त्यसमा सक्रिय रूपमा संलग्न छन्, वा उनीहरूको भुमिका निष्क्रिय छ। प्राविधिक हुनु भनेको "मेरो काम मात्र यहि हो" भनी रोज्नु हो। अन्यथा, आफ्नो दृष्टिकोण परिवर्तन गर्नुपर्नेछ वा पूर्व विकसित भएका ती रूसी दृष्टिकोणहरूलाई खुला रूपमा स्वीकार गर्नुपर्नेछ । साथै  स्पष्टरुपमा रूसी कार्यको समर्थनमा उभिनुपर्नेछ।

अब प्रत्येकले आफ्नो स्थिति निर्धारण गर्नुपर्छ। यो एक वैचारिक विभाजन हो। उदारवाद पूर्णरूपमा समाप्त भइसकेको छ। यद्यपि यो अझै प्रवाह मै छ। तर अब कार्यकारी प्रविधि मात्र पर्याप्त हुँदैन। युद्धसँग, पाचौं र छैटौं स्तम्भका आन्तरिक शत्रुहरूसँग, विनाशकारी आप्रवासन, भयावह जनसांख्यिकी, परम्परागत र अप्रचलित मूल्यहरूसँग व्यवहार गर्दा प्रत्येकले निर्णय लिनुपर्छ। स्पष्ट तथा दृढ निर्णय। चुपचाप होइन - स्पष्ट रुपमा। त्यसका लागि जिम्मेवारी लिनुपर्नेछ र त्यसको अनुसरण पनि गर्नुपर्नेछ। सम्भवत: अन्त्यसम्म, किनकि हामी युद्धमा छौं। अहिले रुसी हुनुको अर्थ केवल व्यापार चिन्ह दर्ता गर्नु होइन। रुसी हुनुको अर्थ हो रूसी कार्यमा सामेल हुनु हो। आफूलाई जनताको रूपमा महसुस गर्नु, र राष्ट्रको लागि सबै कुरा - जीवन समेत - बलिदान गर्न तयार हुनु हो।

सम्झौताहरू र आधा-अधुरा उपायहरूको समय समाप्ती हुँदैछ। अहिले गरिने निर्णयले अपरिवर्तनीय अर्थ राख्नेछ। सुसमाचारको अन्तिम घडीका कामदारहरूको कुरा गरिएको छ। उनीहरू सबैभन्दा पछि काममा जुटेका थिए। तर जुटेकै हुन्। उनीहरूलाई स्वर्गको राज्यमा हिस्साको वाचा गरिएको छ। तर यो अन्तिम घडीपछि साँच्चै नै ढिलो हुनेछ।

अहिले यही अन्तिम घडी हो, रूसी कार्यको। मातृभूमि, विश्वास, राज्य, र जनतालाई आफ्नो अन्तिम शपथ अर्पण गर्ने समय हो। हो, ८० को दशकदेखि गद्दारी समाजिक, वैचारिक, र मानसिक रूपमा सामान्य भएको थियो। सबै आ-आफ्नो लागि मात्र थिए। अब त्यो समय समाप्त भएको छ।

अहिलेको समय फरक छ। यो न केवल अलोकतान्त्रिक छ। यो प्राविधिक शासनसँग पनि मेल खाँदैन। यो विचारको समय हो। रूसी विचारको समय। यो समय अन्ततः हामीसँग आएको छ।

आधुनिक रूसको कुनै पनि समस्यालाई विशुद्ध प्राविधिक रूपमा हेर्न सकिदैन। सबै समस्याहरू, यसको विपरित, विचारधारात्मक आयाम बोकेका छन्। ती समस्याहरू विचारधारात्मक कारणले उत्पन्न भएका हुन् र तिनको समाधान पनि विचारधाराको क्षेत्रमा नै हुन्छ।

विशेष सैन्य अपरेशन किन? किनभने १९९१ मा, रूसमा उदारवादीहरू र पश्चिमा-समर्थकहरूले विचारधारात्मक निर्णय लिँदै साम्राज्य (सोभियत संघ) टुक्र्याउन चाहेका थिए।  हामी त्यस धोखाधडीको परिणाम उल्ट्याउन संघर्ष गर्नेछौं।

आप्रवासन किन? किनभने उदारवादी विचारधाराले जातीय र सांस्कृतिक-धार्मिक पक्षलाई सैद्धान्तिक रूपमा अस्वीकार गर्छ। र पुँजीवादी लाभको सिद्धान्तले सस्तो र न्यूनरुपमा सुरक्षित कामदारको माग राख्छ। यो नै विचारधारा हो।

जनसंख्या घट्ने कारण के हो? व्यक्तिवादको सिद्धान्त र सहरहरूमा जनसङ्ख्याको ठूलो जमघट, साथै पारिवारिक मूल्यहरूको योजनाबद्ध विनाश र परम्परागत पितृसत्तात्मक संरचनाको विघटन। यी सबै विचारधारात्मक धारणा हुन् र प्राविधिक साधनहरूले तिनलाई हटाउन सक्दैन।
भ्रष्टाचारको स्रोत के हो? संस्कृतिले व्यापक रूपमा प्रवर्द्धन गरेको स्वार्थपरता र अनिवार्य आलोचनात्मक दृष्टिकोण, समाजप्रतिको जिम्मेवारी कमजोर गरेर कानूनी अवसरवादतर्फ लैजान्छ।

अतः, हामीलाई एउटा विचारधारात्मक संगठन आवश्यक छ। यो संगठन  राष्ट्रपतिको आदेश ८०९ र ३१४ को कार्यान्वयन र राष्ट्रिय सुरक्षाको अवधारणाको निगरानी प्रणालीको रूपमा काम गर्नेछ। वा अन्य कुनै तरिकाले पनि। साथै स्वाभाविक रूपमा, रूसी देशभक्ती पुर्ण विचारधारालाई समाजमा सावधानीपूर्वक बिस्तारै लागू गर्नुपर्छ। यसलाई हामी रूसी देशभक्तहरूद्वारा  संरक्षण तथा व्यवस्थापन गर्नुपर्छ।

अनुवादक: मोहनप्रसाद ज्ञवाली