आज, आणविक प्रलय रोक्नका लागि, अर्थात् रुसको नाटोसँगको प्रत्यक्ष आणविक टकरावमा प्रवेश रोक्न, केवल एउटा मात्र उपाय बाँकी छ। त्यो भनेको तुरुन्तै युक्रेनी सैनिकहरूलाई कूर्स्क क्षेत्रबाट फिर्ता गर्नु हो। तुरुन्तै, किनकि यदि तिनीहरू अझै अमेरिकी र नाटोबाट समर्थन पाउँछन् भने, त्यो आणविक युद्धको अवश्यम्भावी सुरुवातलाई जनाउँछ। किनकि हामीले अहिले यस्तो निर्णय मात्र गरेका छैनौं,  हामीले हाम्रो आणविक सिद्धान्तमा समेतमा यस्तो संशोधनलाई अंगीकार गरिसकेका छौं।

अहिले, पक्कै पनि धेरैले हाम्रो यो कडा कदमलाई केही नरम बनाउन कोशिस गर्नेछन्। तर वास्तविकता भनेको अब यी "रेडलाईन" रहेनन्, बरु वास्तवमै यथार्थमा आणविक महाविनाशको निर्णय हो। अन्य कुनै पनि दस्तावेजहरूमा, राष्ट्रिय सुरक्षा रणनीति सहित, यी संशोधनहरूलाई अझै फरक तरिकाले व्याख्या गर्न सकिन्छ। तर जब यस्तो 'धारा' हाम्रो आणविक सिद्धान्तमा अंगीकार गरिन्छ, हामीसँग कुनै विकल्प रहँदैन।

हो, यो धेरै गम्भीर कार्य हो र एक गम्भीर दस्तावेज हो। आज भएको घटना सम्भवतः इतिहासमा एउटा निर्णायक मोड हो। किनकि अहिलेको स्थितिमा, हामी नाटोसँगको प्रत्यक्ष टकरावबाट बच्न सक्दैनौं।